I.
1 Pōvuls un Timotejs, Jezus Kristus kolpi, visim svātajim ikš Jezus Kristus, kas ir Filipijā, kūpā ar veiskupim un diakonim.
2 Žēlesteiba jums un mīrs nu Dīva myusu Tāva un Kunga Jezus Kristus!
Īvods.
3 Es pasateicu munam Dīvam, kod vīn es jyusus pīmiņu, 4 un vysod ar prīcu lyudzūs par jums visim vysōs sovōs lyugšonōs, 5 jo jyus nu pyrmōs dīnas leidz šam laikam jamat daleibu (Kristus) Evangelijā. 6 Tōpēc es asmu stipri pōrlīcynōts, ka Tys, kas šū lobū dorbu jyusūs īsōce, leidz Jezus Kristus dīnai jū pabeigs. 7 Tys ir taisneigi, ka es par jums visim dūmoju, jo jyus asot munā sirdī, jyus visi, kas ar mani asot žēlesteibas daleibnīki munōs važōs, Evangelija aizstōvēšonā un nūstyprynōšonā.
8 Jā, Dīvs man ir līcinīks, cik es pēc jums visim ilgojūs ikš Jezus Kristus sirds. 9 Un es ļūti lyudzu sekūšū: Lai jyusu mīlesteiba atziņā un ikvīnā saprasšonā augtu vairōk un vairōk, 10 ka jyus varātu izškērt, kas ir tys eistais un byutu skaidri un bez traipa Kristus dīnā, 11 un piļdeiti ar taisneibas augli caur Jezu Kristu Dīva gūdam un slavai.
Ziņōjumi.
12 Brōli, es grybu, lai jyus zynōtu, ka muni apstōkli dēļ Evangelija ir labvēleigōki, 13 jo vysam pretorijam un visim citim ir zynoms, ka es asmu īkolts važōs Kristus dēļ. 14 Munu važu dēļ brōļu vairōkums montoj jaunu uzticeibu Kungam un lelōku drūsmi bez bailem sludynōt Dīva vōrdu. 15 Daži gon Kristu sludynoj skaudeibas un kildu kōres dēļ, bet citi otkon nu loba prōta, 16 citi mīlesteibas dēļ, jo jī zyna, ka es Evangelija aizstōvēšonai asmu nūzeimōts, 17 bet citi pašmīleibas dēļ un na ar teiru nūdūmu, jo jī grib mani apcītynōtu veļ vairōk sōpynōt. 18 Bet kas par tū? Lai arī kai tys byutu, vai vaļsirdeigi, vai arī ar blokus nūdūmu, lai tik Kristus teik sludynōts, es par tū prīcojūs.
19 Bet arī nōkūtnē es prīcōšūs, jo es zynu, ka tys caur jyusu lyugšonom un caur Jezus Kristus Gora paleigu nūdarēs man pesteišonai. 20 Jā, es ilgojūs un ceru, ka es nikamā natikšu aizkaunāts, bet gon vysā drūšsirdeibā, kai vysod, tai arī tagad, munā mīsā tiks gūdynōts Kristus, lai tys byutu vai dzeivojūt, vai arī mērstūt.
21 Kristus man ir dzeive un nōve — īgyvums. 22 Un jo laiceigō dzeive nastu man augļim bogōtu dorbu, tad es nazynu, kū es sev izvālātu. 23 Mani valk uz obejom pusem: Es grybu byut atraiseits un byut pi Kristus, un tys byutu tys lobōkais; 24 tūmār tys, lai es palyktu dzeivs, jyusu dēļ ir vajadzeigōks. 25 Tōpēc man ir drūša cereiba, ka es veļ palikšu un jyusu sekmu un jyusu ticeibas prīka dēļ byušu pi jums visim, 26 lai jyus ikš Jezus Kristus par mani vēļ vairōk varātu dižōtīs caur munu vēļreizejū aizīšonu pi jums.
Pamūdynōjumi.
27 Dzeivojit tikai Kristus Evangelija cīneigi, lai es pi jums aizgōjis radzātu, vai arī tōlumā palicis par jums dzērdātu, ka jyus asot vīnā gorā, vīnprōteigi karojat par Evangelija ticeibu, 28 un nikamā nu pretinīkim nasabeistat. Tys jim ir kai pazusšonas, bet jums kai pesteišonas zeime, un tys ir nu Dīva. 29 Un jums ir dūta žēlesteiba na tikai ikš Kristus ticēt, bet arī par Jū cīst. 30 Un jums jōiztur tei poša ceiņa, kuru jyus pi manis redzējot un par kuru tagad nu manis dzēržat.
I.
1 Pōvuls un Timotejs, Jezus Kristus kolpi, visim svātajim ikš Jezus Kristus, kas ir Filipijā, kūpā ar veiskupim un diakonim.
2 Žēlesteiba jums un mīrs nu Dīva myusu Tāva un Kunga Jezus Kristus!
Īvods.
3 Es pasateicu munam Dīvam, kod vīn es jyusus pīmiņu, 4 un vysod ar prīcu lyudzūs par jums visim vysōs sovōs lyugšonōs, 5 jo jyus nu pyrmōs dīnas leidz šam laikam jamat daleibu (Kristus) Evangelijā. 6 Tōpēc es asmu stipri pōrlīcynōts, ka Tys, kas šū lobū dorbu jyusūs īsōce, leidz Jezus Kristus dīnai jū pabeigs. 7 Tys ir taisneigi, ka es par jums visim dūmoju, jo jyus asot munā sirdī, jyus visi, kas ar mani asot žēlesteibas daleibnīki munōs važōs, Evangelija aizstōvēšonā un nūstyprynōšonā.
8 Jā, Dīvs man ir līcinīks, cik es pēc jums visim ilgojūs ikš Jezus Kristus sirds. 9 Un es ļūti lyudzu sekūšū: Lai jyusu mīlesteiba atziņā un ikvīnā saprasšonā augtu vairōk un vairōk, 10 ka jyus varātu izškērt, kas ir tys eistais un byutu skaidri un bez traipa Kristus dīnā, 11 un piļdeiti ar taisneibas augli caur Jezu Kristu Dīva gūdam un slavai.
Ziņōjumi.
12 Brōli, es grybu, lai jyus zynōtu, ka muni apstōkli dēļ Evangelija ir labvēleigōki, 13 jo vysam pretorijam un visim citim ir zynoms, ka es asmu īkolts važōs Kristus dēļ. 14 Munu važu dēļ brōļu vairōkums montoj jaunu uzticeibu Kungam un lelōku drūsmi bez bailem sludynōt Dīva vōrdu. 15 Daži gon Kristu sludynoj skaudeibas un kildu kōres dēļ, bet citi otkon nu loba prōta, 16 citi mīlesteibas dēļ, jo jī zyna, ka es Evangelija aizstōvēšonai asmu nūzeimōts, 17 bet citi pašmīleibas dēļ un na ar teiru nūdūmu, jo jī grib mani apcītynōtu veļ vairōk sōpynōt. 18 Bet kas par tū? Lai arī kai tys byutu, vai vaļsirdeigi, vai arī ar blokus nūdūmu, lai tik Kristus teik sludynōts, es par tū prīcojūs.
19 Bet arī nōkūtnē es prīcōšūs, jo es zynu, ka tys caur jyusu lyugšonom un caur Jezus Kristus Gora paleigu nūdarēs man pesteišonai. 20 Jā, es ilgojūs un ceru, ka es nikamā natikšu aizkaunāts, bet gon vysā drūšsirdeibā, kai vysod, tai arī tagad, munā mīsā tiks gūdynōts Kristus, lai tys byutu vai dzeivojūt, vai arī mērstūt.
21 Kristus man ir dzeive un nōve — īgyvums. 22 Un jo laiceigō dzeive nastu man augļim bogōtu dorbu, tad es nazynu, kū es sev izvālātu. 23 Mani valk uz obejom pusem: Es grybu byut atraiseits un byut pi Kristus, un tys byutu tys lobōkais; 24 tūmār tys, lai es palyktu dzeivs, jyusu dēļ ir vajadzeigōks. 25 Tōpēc man ir drūša cereiba, ka es veļ palikšu un jyusu sekmu un jyusu ticeibas prīka dēļ byušu pi jums visim, 26 lai jyus ikš Jezus Kristus par mani vēļ vairōk varātu dižōtīs caur munu vēļreizejū aizīšonu pi jums.
Pamūdynōjumi.
27 Dzeivojit tikai Kristus Evangelija cīneigi, lai es pi jums aizgōjis radzātu, vai arī tōlumā palicis par jums dzērdātu, ka jyus asot vīnā gorā, vīnprōteigi karojat par Evangelija ticeibu, 28 un nikamā nu pretinīkim nasabeistat. Tys jim ir kai pazusšonas, bet jums kai pesteišonas zeime, un tys ir nu Dīva. 29 Un jums ir dūta žēlesteiba na tikai ikš Kristus ticēt, bet arī par Jū cīst. 30 Un jums jōiztur tei poša ceiņa, kuru jyus pi manis redzējot un par kuru tagad nu manis dzēržat.
