II.
1 Muni bērneņi, šytū vysu es jums rokstu, lai jyus vairs nagrākōtu. Bet jo arī kaids nu jums sagrākoj, tad mums pi Dīva ir aizbiļdnis — Taisneigais, Jezus Kristus. 2 Jys ir pōrlyuguma upurs par myusu grākim, un na tikai par myusejim vīn, bet arī par vysa pasauļa (grākim).
3 Tū, ka mes Jū pazeistam, mes zynam nu tō, ka mes pyldam Jō bausleibas. 4 Jo kas apgolvōtu, ka Jū pazeist, bet Jō bausleibu napiļdeitu, tys byutu meļs un jymā patīseibas nabyutu. 5 Bet jo kas Jō vōrdu eistyn pylda, tymā Dīva mīlesteiba ir piļneiga. Un nu tō mes pazeistam, ka mes Jymā asom. 6 Bet kas apgolvoj, ka jys Jymā ir, tam ir jōdzeivoj tai, kai Jys dzeivōja.
7 Nūmīļōtī, tei nav jauna bausleiba, kū es jums rokstu, bet gon tei pat vacō, kura jums beja jau nu poša sōkuma. Tys vōrds, kū jyus dzērdējot, ir vacō bausleiba.
8 Tūmār, kū es jums rokstu, ir arī jauna bausleiba, kas patīseibā ir kai Jymā tai arī jyusūs. Jo tymsums jau izkleida un pasarōdeja eistynō gaisma. 9 Un kas saceitu, ka šys asūt gaismā, bet īneistu sovu brōli, tad tys pats arvīnu veļ ir tymsumā. 10 Bet kas sovu brōli mīļoj, tys palīk gaismā un nivīns nu jō naīsaļaunoj.
11 Bet kas sovu brōli īneist, tys ir veļ tymsumā un tymsumā dzeivoj, pats tō namaneidams, uz kurīni, jys tai aizīs, jo tymsums ir padarejis naredzeigas jō acis.
12 Es rokstu jums, bērneņi, jo jums caur Jō vōrdu ir pīdūti grāki.
13 Es rokstu jums, tāvi, jo jyus asot pazynuši tū, kas ir nu poša sōkuma. Es rokstu jums, jaunīši, jo jyus ļaunū asot uzvarējuši.
Es asmu jums, bārni, rakstejis, jo jyus asot pazynuši Tāvu. 14 Es asmu jums, tāvi, rakstejis, jo jyus pazynot tū, kas ir nu poša sōkuma. Es asmu jums, jaunīši, rakstejis, jo jyus asot stipri un jyusūs mōjoj Dīva vōrds un jyus asot uzvarējuši ļaunu.
15 Namīļojit pasauļa ni arī tō, kas pasaulī ir. Jo kas mīļoj pasauli, tad tymā nav mīlesteibas uz Tāvu, 16 jo vyss, kas pasaulī ir, ir mīsas kōreiba, ocu kōreiba un dzeives lepneiba. Un šytys nav nu Tāva, bet gon nu pasauļa. 17 Un pasauļs izniks kūpā ar sovom kōreibom. Bet tys, kas pylda Dīva vaļu, paliks myužam.
18 Bērneņi, jau ir pādejō stunde. Kai jyus dzērdējot, atnōks antikrists, bet jau arī tagad daudz antikristu ir rodušīs, un nu tō var pazeit pādejū stundi. 19 Jī gon cēlēs nu mums, tūmār jī myusejī nava, jo jī byutu bejuši myuseji, tad jī byutu ar mums palykuši, bet jī myusus atstōja, lai zynōtu, ka jī nivīns nav myusejī. 20 Bet jums ir apsvaideišona nu Svātō un jyus zynot vysu.
21 Es jums naraksteju tai, itkai jyus patīseibas nazynōtu, bet gon tai, ka jyus jū pazeistat un zynat, ka nikaidi mali nu patīseibas nanōk. 22 Kas tad cyts ir meļs, jo na tys, kas soka, ka Jezus nav Kristus? Kas aizalīdz Tāva, kai arī Dāla, tys ir antikrists.
23 Bet kas aizalīdz Dāla, tam nav arī Tāva. Kas izzeist Dālu, tam ir arī Tāvs. 24 Kū jyus nu sōkuma asot dzērdējuši, tam jyusūs jōpalīk. Un jo jyusūs paliks vōrds, kū jyus nu sōkuma dzērdējot, tad jyus paliksit Dālā un Tāvā. 25 Un tys, kū Jys mums ir apsūlejis, ir myužeigō dzeive.
26 Šytū es jums rokstu tūs dēļ, kuri jyusus grib īvest moldūs. 27 Bet jyusūs palīk apsvaideišona, kuru jyus nu Jō sajēmet, tōpēc jums nava vajadzeigs, lai jyusus kaut kas mōceitu. Nē kai Jō apsvaideišona vysam mōca, tai tys ir patīseiba un nava mali. Un kai jei jyusus mōceja, tai jyus jamā palīcit. 28 Un tagad, bērneņi, palīcit jymā, lai mes tūlaik, kad Jys atnōks, byutu drūsi, ka mums Jō prīškā nabyus jōsakaunej, kad Jys otkon pasarōdeis.
Dīvs ir taisneigs.
29 Jo jyus zynot, ka Jys ir taisneigs, tad zynit arī, ka tys, kas taisneigi dora, nu Jō ir pīdzimis.
II.
1 Muni bērneņi, šytū vysu es jums rokstu, lai jyus vairs nagrākōtu. Bet jo arī kaids nu jums sagrākoj, tad mums pi Dīva ir aizbiļdnis — Taisneigais, Jezus Kristus. 2 Jys ir pōrlyuguma upurs par myusu grākim, un na tikai par myusejim vīn, bet arī par vysa pasauļa (grākim).
3 Tū, ka mes Jū pazeistam, mes zynam nu tō, ka mes pyldam Jō bausleibas. 4 Jo kas apgolvōtu, ka Jū pazeist, bet Jō bausleibu napiļdeitu, tys byutu meļs un jymā patīseibas nabyutu. 5 Bet jo kas Jō vōrdu eistyn pylda, tymā Dīva mīlesteiba ir piļneiga. Un nu tō mes pazeistam, ka mes Jymā asom. 6 Bet kas apgolvoj, ka jys Jymā ir, tam ir jōdzeivoj tai, kai Jys dzeivōja.
7 Nūmīļōtī, tei nav jauna bausleiba, kū es jums rokstu, bet gon tei pat vacō, kura jums beja jau nu poša sōkuma. Tys vōrds, kū jyus dzērdējot, ir vacō bausleiba.
8 Tūmār, kū es jums rokstu, ir arī jauna bausleiba, kas patīseibā ir kai Jymā tai arī jyusūs. Jo tymsums jau izkleida un pasarōdeja eistynō gaisma. 9 Un kas saceitu, ka šys asūt gaismā, bet īneistu sovu brōli, tad tys pats arvīnu veļ ir tymsumā. 10 Bet kas sovu brōli mīļoj, tys palīk gaismā un nivīns nu jō naīsaļaunoj.
11 Bet kas sovu brōli īneist, tys ir veļ tymsumā un tymsumā dzeivoj, pats tō namaneidams, uz kurīni, jys tai aizīs, jo tymsums ir padarejis naredzeigas jō acis.
12 Es rokstu jums, bērneņi, jo jums caur Jō vōrdu ir pīdūti grāki.
13 Es rokstu jums, tāvi, jo jyus asot pazynuši tū, kas ir nu poša sōkuma. Es rokstu jums, jaunīši, jo jyus ļaunū asot uzvarējuši.
Es asmu jums, bārni, rakstejis, jo jyus asot pazynuši Tāvu. 14 Es asmu jums, tāvi, rakstejis, jo jyus pazynot tū, kas ir nu poša sōkuma. Es asmu jums, jaunīši, rakstejis, jo jyus asot stipri un jyusūs mōjoj Dīva vōrds un jyus asot uzvarējuši ļaunu.
15 Namīļojit pasauļa ni arī tō, kas pasaulī ir. Jo kas mīļoj pasauli, tad tymā nav mīlesteibas uz Tāvu, 16 jo vyss, kas pasaulī ir, ir mīsas kōreiba, ocu kōreiba un dzeives lepneiba. Un šytys nav nu Tāva, bet gon nu pasauļa. 17 Un pasauļs izniks kūpā ar sovom kōreibom. Bet tys, kas pylda Dīva vaļu, paliks myužam.
18 Bērneņi, jau ir pādejō stunde. Kai jyus dzērdējot, atnōks antikrists, bet jau arī tagad daudz antikristu ir rodušīs, un nu tō var pazeit pādejū stundi. 19 Jī gon cēlēs nu mums, tūmār jī myusejī nava, jo jī byutu bejuši myuseji, tad jī byutu ar mums palykuši, bet jī myusus atstōja, lai zynōtu, ka jī nivīns nav myusejī. 20 Bet jums ir apsvaideišona nu Svātō un jyus zynot vysu.
21 Es jums naraksteju tai, itkai jyus patīseibas nazynōtu, bet gon tai, ka jyus jū pazeistat un zynat, ka nikaidi mali nu patīseibas nanōk. 22 Kas tad cyts ir meļs, jo na tys, kas soka, ka Jezus nav Kristus? Kas aizalīdz Tāva, kai arī Dāla, tys ir antikrists.
23 Bet kas aizalīdz Dāla, tam nav arī Tāva. Kas izzeist Dālu, tam ir arī Tāvs. 24 Kū jyus nu sōkuma asot dzērdējuši, tam jyusūs jōpalīk. Un jo jyusūs paliks vōrds, kū jyus nu sōkuma dzērdējot, tad jyus paliksit Dālā un Tāvā. 25 Un tys, kū Jys mums ir apsūlejis, ir myužeigō dzeive.
26 Šytū es jums rokstu tūs dēļ, kuri jyusus grib īvest moldūs. 27 Bet jyusūs palīk apsvaideišona, kuru jyus nu Jō sajēmet, tōpēc jums nava vajadzeigs, lai jyusus kaut kas mōceitu. Nē kai Jō apsvaideišona vysam mōca, tai tys ir patīseiba un nava mali. Un kai jei jyusus mōceja, tai jyus jamā palīcit. 28 Un tagad, bērneņi, palīcit jymā, lai mes tūlaik, kad Jys atnōks, byutu drūsi, ka mums Jō prīškā nabyus jōsakaunej, kad Jys otkon pasarōdeis.
Dīvs ir taisneigs.
29 Jo jyus zynot, ka Jys ir taisneigs, tad zynit arī, ka tys, kas taisneigi dora, nu Jō ir pīdzimis.
