V.
Grāki nav saudzejami.
1 Pi jums vyspōr dzērdīs par bezkauneibu un par taidu bezkauneibu, kas ni storp pogōnim nav sastūpama, ka vīns pat ar sova tāva sīvu dzeivojūt. 2 Un te jyus, vītā skumēs grimt, veļ dīžojatēs. Taids, kas tū dareja, nu jyusu vyda lai teik izslāgts. 3 Lai gon ar mīsu es nu jums asmu tōli, gorā, tūmār, asmu storp jums un kai pats klōtu byudams tū ļaundari nūtīsoju: 4 Koleidz jyus Kunga Jezus (Kristus) vōrdā ar mani gorā asot sasalasejuši kūpā, tū cylvāku uz myusu Kunga Jezus Kristus pylnvaras pamata 5 nūdūdit satanam mīsas iznycynōšonai, lai Kunga Jezus (Kristus) dīnā byutu izglōbta jō dvēsele.
6 Jyusu pašlapnums ir navītā. Vai tad jyus nazynat, ka nadaudz rauga saraudzej vysu ījovu? 7 Metit nūst vacū raugu, lai jyus byutu jauns ījovs. Jyus asot naraudzāti, jo Kristus, myusu Lēldines jārs ir nūkauts. 8 Tai tad, na ar vacū raugu mums jōsvīn, na ar dusmeibas un ļaunuma raugu, bet gon ar skaidreibas un patīseiguma naraudzātū maizi.
9 Tamā vēstulē es jums raksteju: Ar bezkauneigajim nikaidu sakaru napaturit! 10 Na ar šō pasauļa bezkauneigajim, vai montkōreigajim, vai zaglim, vai elku kolpim vyspōri, — cytaiž jums byutu jōīt prūjom nu šō pasauļa, — 11 bet gon, kai es jums raksteju: Napaturit nikaidu sakaru ar taidu, kas sevi sauc par brōli, bet ir bezkauneigs, vai mōns, vai dīvaklu kolps, vai Dīva saimōtōjs, vai dzārōjs, vai laupeitōjs; ar taidu jyus nadreikstat kūpā pat ēst. 12 Un kas tad man par daļu ōrpusē asūšūs tīsōt? Bet vai jyus natīsojit tūs, kas ir ar mums? 13 Dīvs tīsōs tūs, kas ir ōrpusē. Un ļaundari nu sova vyda jyus metit ōrā.
V.
Grāki nav saudzejami.
1 Pi jums vyspōr dzērdīs par bezkauneibu un par taidu bezkauneibu, kas ni storp pogōnim nav sastūpama, ka vīns pat ar sova tāva sīvu dzeivojūt. 2 Un te jyus, vītā skumēs grimt, veļ dīžojatēs. Taids, kas tū dareja, nu jyusu vyda lai teik izslāgts. 3 Lai gon ar mīsu es nu jums asmu tōli, gorā, tūmār, asmu storp jums un kai pats klōtu byudams tū ļaundari nūtīsoju: 4 Koleidz jyus Kunga Jezus (Kristus) vōrdā ar mani gorā asot sasalasejuši kūpā, tū cylvāku uz myusu Kunga Jezus Kristus pylnvaras pamata 5 nūdūdit satanam mīsas iznycynōšonai, lai Kunga Jezus (Kristus) dīnā byutu izglōbta jō dvēsele.
6 Jyusu pašlapnums ir navītā. Vai tad jyus nazynat, ka nadaudz rauga saraudzej vysu ījovu? 7 Metit nūst vacū raugu, lai jyus byutu jauns ījovs. Jyus asot naraudzāti, jo Kristus, myusu Lēldines jārs ir nūkauts. 8 Tai tad, na ar vacū raugu mums jōsvīn, na ar dusmeibas un ļaunuma raugu, bet gon ar skaidreibas un patīseiguma naraudzātū maizi.
9 Tamā vēstulē es jums raksteju: Ar bezkauneigajim nikaidu sakaru napaturit! 10 Na ar šō pasauļa bezkauneigajim, vai montkōreigajim, vai zaglim, vai elku kolpim vyspōri, — cytaiž jums byutu jōīt prūjom nu šō pasauļa, — 11 bet gon, kai es jums raksteju: Napaturit nikaidu sakaru ar taidu, kas sevi sauc par brōli, bet ir bezkauneigs, vai mōns, vai dīvaklu kolps, vai Dīva saimōtōjs, vai dzārōjs, vai laupeitōjs; ar taidu jyus nadreikstat kūpā pat ēst. 12 Un kas tad man par daļu ōrpusē asūšūs tīsōt? Bet vai jyus natīsojit tūs, kas ir ar mums? 13 Dīvs tīsōs tūs, kas ir ōrpusē. Un ļaundari nu sova vyda jyus metit ōrā.
