I.
1 Pōvuls,na nu cylvākim un na caur kaidu cylvāku, bet gon caur Jezu Kristu un Dīvu Tāvu, kas Jū pīcēle nu myrūnim,apostols 2 kūpā ar visim brōlim, kas ir ar mani,Galatijas draudzem.3 Lai jums ir žēlesteiba un mīrs nu Dīva myusu Tāva un Kunga Jezus Kristus.
4 Jys par myusu grākim sevi uzupurēja, lai myusus saskaņā ar Dīva, myusu Tāva grybu izglōbt nu tagadējō ļaunō pasauļa. 5 Jam lai ir gūds myužam. Amen.
6 Es breinojūs, ka jyus ļaunit tik ōtri sevi atrunōt nu tō, kas jyusus Kristus žēlesteibā paaicynōja, un pīsakļōvet cytam „evangelijam,“ 7 bet cyta nava, ir tikai daži cylvāki, kas jyusus grib samulsynōt un sagrūzeit Kristus Evangeliju. 8 Bet jo mes poši, vai pat engeļs nu dabasim jums sludynōtu cytu Evangeliju, na kai mes asam sludynōjuši, lai ir nūlōdāts. 9 Kai mes agrōk asam sacejuši, tai es atkōrtoju tagad: Jo kas jums cytu Evangeliju sludynōtu, na kai jyus asat pījāmuši, tys lai ir nūlōdāts.
10 Vai es tagad cenšūs īgyut cylvāku, vai arī Dīva labvēleibu? Vai tad es tagad grybu īpatikt cylvākim? Nē, jo es canstūs īpatikt cylvākim, tad es nabyutu Kristus kolps.
Apostolats un Evangelijs paīt nu Dīva.
11 Brōli, es jums golvoju, ka Evangelijs, kuru es sludynōju, napaīt nu cylvākim; 12 es jō nasajēmu nu kaida cylvāka, ni arī īsamōceju, bet gon sajēmu caur Jezus Kristus atklōšonu.
13 Jyus laikam asot dzērdējuši par munu dzeivi judaizmā, kai es bezmēreigi vojōju Dīva Bazneicu un gribēju jū iznycynōt; 14 kai es judaizmā pōrspēju sovā tautā daudzejūs sova vacuma bīdrus, jo es beju centeigōks prīkšteču tradicijōs, na kai jī visi.
15 Bet kad lapbatyka Dīvam, kas mani izvēlēja jau nu mōtes mīsas un caur sovu žēlesteibu mani paaicynōja, 16 parōdeit manī sovu Dālu, lai es Jū sludynōtu storp pogōnim, tad es tyuleņ, un pēc padūma nagōju pi mīsas un ašņa, 17 nagōju arī uz Jeruzalemu pi tim, kas pyrms manis beja par apostolim, bet gon aizgōju uz Arabiju un nu turīnes atsagrīžu atpakaļ uz Damasku. 18 Tikai vēļōk, pēc trejim godim es aizgōju uz Jeruzalemu, lai apsarunōtu ar Kefas (Pīteri) un pi jō es nūbeju pīcpadsmit dīnu. 19 Nu citim apostolim es redzēju tikai Jākubu, Kunga brōli. 20 Ka tys, kū jums rokstu, nav mali, raug, Dīva prīškā (apgolvoju). 21 Pēc tam es devūs uz Sirijas un Kilikijas apvydim. 22 Kristticeigūs draudzem Judejā es personeigi palyku napazeistams. 23 Jī tikai dzērdēja, ka jūs agrōkais vojōtōjs tagad sludynoj tū pošu ticeibu, kuru agrōk grōve. 24 Un manis dēļ jī slavēja Dīvu.
I.
1 Pōvuls,na nu cylvākim un na caur kaidu cylvāku, bet gon caur Jezu Kristu un Dīvu Tāvu, kas Jū pīcēle nu myrūnim,apostols 2 kūpā ar visim brōlim, kas ir ar mani,Galatijas draudzem.3 Lai jums ir žēlesteiba un mīrs nu Dīva myusu Tāva un Kunga Jezus Kristus.
4 Jys par myusu grākim sevi uzupurēja, lai myusus saskaņā ar Dīva, myusu Tāva grybu izglōbt nu tagadējō ļaunō pasauļa. 5 Jam lai ir gūds myužam. Amen.
6 Es breinojūs, ka jyus ļaunit tik ōtri sevi atrunōt nu tō, kas jyusus Kristus žēlesteibā paaicynōja, un pīsakļōvet cytam „evangelijam,“ 7 bet cyta nava, ir tikai daži cylvāki, kas jyusus grib samulsynōt un sagrūzeit Kristus Evangeliju. 8 Bet jo mes poši, vai pat engeļs nu dabasim jums sludynōtu cytu Evangeliju, na kai mes asam sludynōjuši, lai ir nūlōdāts. 9 Kai mes agrōk asam sacejuši, tai es atkōrtoju tagad: Jo kas jums cytu Evangeliju sludynōtu, na kai jyus asat pījāmuši, tys lai ir nūlōdāts.
10 Vai es tagad cenšūs īgyut cylvāku, vai arī Dīva labvēleibu? Vai tad es tagad grybu īpatikt cylvākim? Nē, jo es canstūs īpatikt cylvākim, tad es nabyutu Kristus kolps.
Apostolats un Evangelijs paīt nu Dīva.
11 Brōli, es jums golvoju, ka Evangelijs, kuru es sludynōju, napaīt nu cylvākim; 12 es jō nasajēmu nu kaida cylvāka, ni arī īsamōceju, bet gon sajēmu caur Jezus Kristus atklōšonu.
13 Jyus laikam asot dzērdējuši par munu dzeivi judaizmā, kai es bezmēreigi vojōju Dīva Bazneicu un gribēju jū iznycynōt; 14 kai es judaizmā pōrspēju sovā tautā daudzejūs sova vacuma bīdrus, jo es beju centeigōks prīkšteču tradicijōs, na kai jī visi.
15 Bet kad lapbatyka Dīvam, kas mani izvēlēja jau nu mōtes mīsas un caur sovu žēlesteibu mani paaicynōja, 16 parōdeit manī sovu Dālu, lai es Jū sludynōtu storp pogōnim, tad es tyuleņ, un pēc padūma nagōju pi mīsas un ašņa, 17 nagōju arī uz Jeruzalemu pi tim, kas pyrms manis beja par apostolim, bet gon aizgōju uz Arabiju un nu turīnes atsagrīžu atpakaļ uz Damasku. 18 Tikai vēļōk, pēc trejim godim es aizgōju uz Jeruzalemu, lai apsarunōtu ar Kefas (Pīteri) un pi jō es nūbeju pīcpadsmit dīnu. 19 Nu citim apostolim es redzēju tikai Jākubu, Kunga brōli. 20 Ka tys, kū jums rokstu, nav mali, raug, Dīva prīškā (apgolvoju). 21 Pēc tam es devūs uz Sirijas un Kilikijas apvydim. 22 Kristticeigūs draudzem Judejā es personeigi palyku napazeistams. 23 Jī tikai dzērdēja, ka jūs agrōkais vojōtōjs tagad sludynoj tū pošu ticeibu, kuru agrōk grōve. 24 Un manis dēļ jī slavēja Dīvu.
