I.
1 Pōvuls, caur Dīva grybu Jezus Kristus apostols, svātajim (Efezā) un ikš Jezus Kristus ticeigajim.
2 Žēlesteiba un mīrs lai ir jums nu Dīva myusu Tāva un nu Kunga Jezus Kristus.
Pateiceiba par atpērkšonu.
3 Lai ir slaveits Dīvs, myusu Kunga Jezus Kristus Tāvs, kas myusus ikš Kristus debeseigajōs lītōs ar ikvīnu goreigu svēteibu ir svētejis, 4 un myusus Jymā izlasejis jau nu pasauļa radeišonas, lai mes Jō prīškā byutu svāti un navaiņojami. 5 Jys myusus saskaņā ar sovu breivū vēlēšonūs mīlesteibā īprīkšpazeimōja, lai mes caur Jezu Kristu toptu Jō bārni. 6 Un tei ir Jō žēlesteibas skaistuma uzslava, kuru Jys mums sovā nūmīļōtajā (Dālā) atklōja.
7 Pateicūt Jō žēlesteibas bogōteibai mums ir pesteišona un grāku pīdūšona nu Jō un caur Jō asni, 8 kuru Jys par mums izlēja reizē ar gudreibu un saprōtu. 9 Jys atklōja mums sovas grybas nūslāpumu. Un tys ir Jō nūdūms, kuru Jys beja nūdūmōjis izpiļdeit, 10 leidzkū pīsapiļdeis laiks, vysu, kas ir dabasūs un vērs zemes (atjaunōt un kūpā savōkt). 11 Jymā mes asom topuši par montōjuma leidzdaleibnīkim, kai mes īprīkš uz tū bejom pazeimōti, saskaņā ar Tō lāmumu, kas vysu izdora pēc sovas grybas sprīdumim. 12 Tai tad, mums, kas sovu cereibu lykom ikš Kristus, jōsasnādz Jō gūdeiba.
13 Jymā asot jyus, kas jyus patīseibas vōrdu, sovas pesteišonas Evangeliju asot dzērdējuši un īticējuši, ar apsūlejuma Svātū Goru apzeimūgōti. 14 Jys ir myusu montōjuma īprīkšgolvōjums, lai sovas gūdeibas uzslavēšonai izpērktu sovu īpašumu.
15 Tōpēc ari es, leidzkū izdzērdu par jyusu ticeibu ikš Kunga Jezus un jyusu mīlesteibu uz vysim svātajim, 16 napōrtraukti par jums pasateicu un jyusus sovōs lyugšonōs pīmiņu. 17 Myusu Kunga Jezus Kristus Dīvs, gūdeibas Tāvs sevis pazeišonai lai dūd jums gudreibas un atklōšonas Goru. 18 Lai Jys jyusu siržu acis apskaidrynoj, lai jyus saprostu kaidā cereibā jyus asot aicynōti un cik bogōta ir montōjuma gūdeiba storp svātajim, 19 un cik pōrmēreigi lela ir Jō vara, kuru Jys pi mums ticeigajim parōdeja; tei ir tei poša Jō spāka un varas spēja, 20 kuru Jys pi Kristus parōdeja, kad Jū nu myrūnim pīcēle un nūvītōja pa sovai lobajai dabasu vaļsteibā, 21 paaugstynōdams pōri par vysom vaļdeibom un spākim, vērsnīceibom un vareibom, kai arī pōri par ikvīnu, lai kaidā vōrdā tys arī sauktūs, kuri ir šytamā un nōkūšajā pasaulī. 22 Jys vysu nūlyka zam Jō kōjom un jū īcēle par vysu pōrspējūšū golvu Bazneicai, 23 kas ir Jō mīsa un Tō pīpiļdejums, kas vysu pylda vysā.
I.
1 Pōvuls, caur Dīva grybu Jezus Kristus apostols, svātajim (Efezā) un ikš Jezus Kristus ticeigajim.
2 Žēlesteiba un mīrs lai ir jums nu Dīva myusu Tāva un nu Kunga Jezus Kristus.
Pateiceiba par atpērkšonu.
3 Lai ir slaveits Dīvs, myusu Kunga Jezus Kristus Tāvs, kas myusus ikš Kristus debeseigajōs lītōs ar ikvīnu goreigu svēteibu ir svētejis, 4 un myusus Jymā izlasejis jau nu pasauļa radeišonas, lai mes Jō prīškā byutu svāti un navaiņojami. 5 Jys myusus saskaņā ar sovu breivū vēlēšonūs mīlesteibā īprīkšpazeimōja, lai mes caur Jezu Kristu toptu Jō bārni. 6 Un tei ir Jō žēlesteibas skaistuma uzslava, kuru Jys mums sovā nūmīļōtajā (Dālā) atklōja.
7 Pateicūt Jō žēlesteibas bogōteibai mums ir pesteišona un grāku pīdūšona nu Jō un caur Jō asni, 8 kuru Jys par mums izlēja reizē ar gudreibu un saprōtu. 9 Jys atklōja mums sovas grybas nūslāpumu. Un tys ir Jō nūdūms, kuru Jys beja nūdūmōjis izpiļdeit, 10 leidzkū pīsapiļdeis laiks, vysu, kas ir dabasūs un vērs zemes (atjaunōt un kūpā savōkt). 11 Jymā mes asom topuši par montōjuma leidzdaleibnīkim, kai mes īprīkš uz tū bejom pazeimōti, saskaņā ar Tō lāmumu, kas vysu izdora pēc sovas grybas sprīdumim. 12 Tai tad, mums, kas sovu cereibu lykom ikš Kristus, jōsasnādz Jō gūdeiba.
13 Jymā asot jyus, kas jyus patīseibas vōrdu, sovas pesteišonas Evangeliju asot dzērdējuši un īticējuši, ar apsūlejuma Svātū Goru apzeimūgōti. 14 Jys ir myusu montōjuma īprīkšgolvōjums, lai sovas gūdeibas uzslavēšonai izpērktu sovu īpašumu.
15 Tōpēc ari es, leidzkū izdzērdu par jyusu ticeibu ikš Kunga Jezus un jyusu mīlesteibu uz vysim svātajim, 16 napōrtraukti par jums pasateicu un jyusus sovōs lyugšonōs pīmiņu. 17 Myusu Kunga Jezus Kristus Dīvs, gūdeibas Tāvs sevis pazeišonai lai dūd jums gudreibas un atklōšonas Goru. 18 Lai Jys jyusu siržu acis apskaidrynoj, lai jyus saprostu kaidā cereibā jyus asot aicynōti un cik bogōta ir montōjuma gūdeiba storp svātajim, 19 un cik pōrmēreigi lela ir Jō vara, kuru Jys pi mums ticeigajim parōdeja; tei ir tei poša Jō spāka un varas spēja, 20 kuru Jys pi Kristus parōdeja, kad Jū nu myrūnim pīcēle un nūvītōja pa sovai lobajai dabasu vaļsteibā, 21 paaugstynōdams pōri par vysom vaļdeibom un spākim, vērsnīceibom un vareibom, kai arī pōri par ikvīnu, lai kaidā vōrdā tys arī sauktūs, kuri ir šytamā un nōkūšajā pasaulī. 22 Jys vysu nūlyka zam Jō kōjom un jū īcēle par vysu pōrspējūšū golvu Bazneicai, 23 kas ir Jō mīsa un Tō pīpiļdejums, kas vysu pylda vysā.
