IV.
1 Tai kai Kristus mīsas pēc ir cītis, tad arī jyus sevi apbrūņojit ar tom pošom dūmom. Kas mīseigi cīš, tys sakarus ar grāku ir pōrtraucis. 2 Tys sovas laiceigōs dzeives pōripalykušajōs dīnōs lai nakolpoj mīsas igrybom, bet gon lai dzeivoj pēc Dīva prōta. 3 Pīteik, ka jyus agrōkajūs laikūs piļdejot pogōnu grybu un nūsadevet nakautreibai, izprīcom, dzeršonai, vīseibom, dzyrom un naattaisnojamai elkdīveibai. 4 Tōpēc, ka jyus vairs napīsadolat nasavaļdeitajōs izvyrtušajōs dziņōs, jī nu jums atsasvešynoj un jyusus saimoj. 5 Bet jim byus jōnūsarēkinoj ar Tū, kas ir gotovs tīsōt dzeivūs un myrušūs. 6 Tōpēc arī myrušajim tyka sludynōts Evangelijs, un lai gon arī jī pēc cylvāku parauga mīsas pēc tyka nūtīsōti, tad tūmār jim dvēseles pēc caur Dīva spāku jōir dzeivim.
7 Vysom lītom gols jau tyvojās. Esit tad saprateigi. Esit nūmūdā un lyudzitēs. 8 Vyspyrms vīns ūtru sirsneigi mīļojit, jo mīlesteiba aizsadz grāku daudzumu. 9 Esit vīns pret ūtru vīsmīleigi bez ņūrdēšonas. 10 Cyts cytam kolpojit ar tū žēlesteibas dōvonu, kaidu kurs asot sajāmuši, kai lobī daždažaidōs Dīva žēlesteibas pōrvaļdnīki. 11 Kam ir runas dōvona, tys lai sludynoj Dīva vōrdu, kam ir omots, tys lai jū volda ar tū spāku, kuru Dīvs dūd, ka vysā kamā caur Jezu Kristu byutu slaveits Dīvs. Jam pīdar gūdeiba un vara nu myužeibas uz myužeibu. Amen.
12 Nūmīļōtī, napagurstit guņspōrbaudejuma dēļ, kas ir nōcis kai pamūdynōjums, itkai kaut kas sevišks jyusus satyktu, 13 bet gon prīcojitēs, ka jyus jamat daleibu Kristus cīsšonōs, lai ar Jū varātu prīcōtīs un līgsmōt Jō gūdeibas pasarōdeišonā. 14 Jyus asot svēteigi, jo jyusus Kristus vōrda dēļ pasmōdēs, jo tūreiz vērs jums mit gūdeibas gors, Dīva gors. 15 Lai nivīns nu jums nacīš kai slapkova vai zaglis, vai ļaundaris, vai arī namīra cēlējs. 16 Bet jo kaidam nu jums jōcīš kai kristticeigajam, tad jys lai nasakaunej, bet gon slavej Dīvu Jō vōrda dēļ, 17 jo laiks jau ir klōtu, lai nu Dīva noma sōktūs tīsa. Bet jo tys sōksīs pyrmōk pi mums, kaids tad gols byus tim, kas Dīva Evangelijam napaklausa? 18 Jo jau taisneigais tikkū tiks izglōbts, kur tad paliks bezdīveigais un grēcinīks? 19 Tōpēc tī, kas pēc Dīva grybas cīš, lai caur tykumeigu dzeivi sovu dvēseli atvēlej uzticeigajam Radeitōjam.
IV.
1 Tai kai Kristus mīsas pēc ir cītis, tad arī jyus sevi apbrūņojit ar tom pošom dūmom. Kas mīseigi cīš, tys sakarus ar grāku ir pōrtraucis. 2 Tys sovas laiceigōs dzeives pōripalykušajōs dīnōs lai nakolpoj mīsas igrybom, bet gon lai dzeivoj pēc Dīva prōta. 3 Pīteik, ka jyus agrōkajūs laikūs piļdejot pogōnu grybu un nūsadevet nakautreibai, izprīcom, dzeršonai, vīseibom, dzyrom un naattaisnojamai elkdīveibai. 4 Tōpēc, ka jyus vairs napīsadolat nasavaļdeitajōs izvyrtušajōs dziņōs, jī nu jums atsasvešynoj un jyusus saimoj. 5 Bet jim byus jōnūsarēkinoj ar Tū, kas ir gotovs tīsōt dzeivūs un myrušūs. 6 Tōpēc arī myrušajim tyka sludynōts Evangelijs, un lai gon arī jī pēc cylvāku parauga mīsas pēc tyka nūtīsōti, tad tūmār jim dvēseles pēc caur Dīva spāku jōir dzeivim.
7 Vysom lītom gols jau tyvojās. Esit tad saprateigi. Esit nūmūdā un lyudzitēs. 8 Vyspyrms vīns ūtru sirsneigi mīļojit, jo mīlesteiba aizsadz grāku daudzumu. 9 Esit vīns pret ūtru vīsmīleigi bez ņūrdēšonas. 10 Cyts cytam kolpojit ar tū žēlesteibas dōvonu, kaidu kurs asot sajāmuši, kai lobī daždažaidōs Dīva žēlesteibas pōrvaļdnīki. 11 Kam ir runas dōvona, tys lai sludynoj Dīva vōrdu, kam ir omots, tys lai jū volda ar tū spāku, kuru Dīvs dūd, ka vysā kamā caur Jezu Kristu byutu slaveits Dīvs. Jam pīdar gūdeiba un vara nu myužeibas uz myužeibu. Amen.
12 Nūmīļōtī, napagurstit guņspōrbaudejuma dēļ, kas ir nōcis kai pamūdynōjums, itkai kaut kas sevišks jyusus satyktu, 13 bet gon prīcojitēs, ka jyus jamat daleibu Kristus cīsšonōs, lai ar Jū varātu prīcōtīs un līgsmōt Jō gūdeibas pasarōdeišonā. 14 Jyus asot svēteigi, jo jyusus Kristus vōrda dēļ pasmōdēs, jo tūreiz vērs jums mit gūdeibas gors, Dīva gors. 15 Lai nivīns nu jums nacīš kai slapkova vai zaglis, vai ļaundaris, vai arī namīra cēlējs. 16 Bet jo kaidam nu jums jōcīš kai kristticeigajam, tad jys lai nasakaunej, bet gon slavej Dīvu Jō vōrda dēļ, 17 jo laiks jau ir klōtu, lai nu Dīva noma sōktūs tīsa. Bet jo tys sōksīs pyrmōk pi mums, kaids tad gols byus tim, kas Dīva Evangelijam napaklausa? 18 Jo jau taisneigais tikkū tiks izglōbts, kur tad paliks bezdīveigais un grēcinīks? 19 Tōpēc tī, kas pēc Dīva grybas cīš, lai caur tykumeigu dzeivi sovu dvēseli atvēlej uzticeigajam Radeitōjam.
